حمد القاسمي يكتب.. مرحلة ما بعد ولادة البكاري

كتب: حمد القاسمي

بعد كتابة موضوع ولادة البكارىَ.
أتمنى من الله سبحانه وتعالى أن يكون أفادكم
اليوم سوف نتناول موضوع آخر
ألا وهو مرحلة ما بعد الولادة
وهي تخص المولود أكثر من الأم ذاتها

الحمد لله رب العالمين الفرسه ولدت والمهر أو المهره رضعت كويس
لازم نتأكد إن المهر بيقوم بعملية إخراج البراز بطريقه عاديه
عاديه؟
إزاي يعني؟
هاقولك إزاي يعني

المهور في ساعات الولاده بيكون البراز اللي في الأمعاء بتاعتها عن طريق غذاء الأم
وممكن جداً تكون الأم دي بتاكل دريس أو شعير ناشف أو أي نوع من أنواع الحبوب الجافه زي الدره أو الفول أو ماشابه ذلك
يبقى لازم يكون البراز جاف بعض الشيء وفي حالات كثيرة بيكون البراز فيها صلب إلا حد ما
لدرجة ان المهر بيعاني وهو بيقوم بعملية إخراجها
يبقى السؤال هنا
نعمل إيه؟

أول وأهم حاجه لازم حقنه شرجيه بتيجي من الصيدلية البشري
في مصر إسمها إنماكس خارج مصر مش عارف بصراحه
المهم لو الوقت متأخر والصيدليات مش شغاله أو مش موجوده في حل تاني
وهو اني أجيب سرنجة تجريع 50 أو 60 سم ونعبيها 20 سم زيت برافين أو زيت أكل عادي و40 سم ماء فاتر وتديها بدل الإنماكس

وتديها بلطف واحده واحده وبإذن الله تعالى هاتتم عملية الإخراج بسهوله
وراقب لون البراز أثناء قيام المهره بذلك ومن ثم بعد الرضاعه حيث يتم تغيير اللون إلى الافتح ثم الافتح إلى أن يصبح تماماً كبراز الأطفال أو ما يشبه ذلك
ساعتها نام واطمن
وربنا يبارك للجميع ويرزقنا وإياكم من حيث لا نحتسب