ابكي يا عيني على البطل
اللي ضحى بروحه
مخافش من موته ولا
خاف من جروحه
كان كل همه يحمي الناس
كان خايف يروحوا
خد قرار يرمي نفسه وسط النار
زي الأسد بعد النار عن العمار
وقف وتد رغم جروح الجسد
انقذ مدينة من انفجار و دمار
مات البطل وساب لينا ١٠٠ علامة
على الشجاعة و الفداء و الشهامة
على التضحية قلبه زي الاوليا
كان كل همه الناس تعيش بسلامة
بطل شهيد عيدك في الجنة احلى عيد
اهلك و ولادك يا بطل في عينينا اكيد
شعب مصر مش هينسى اللي عملته
هندعي ليك من قلوبنا كل عيد
