أعلن الفنان بهاء سلطان فسخ تعاقده مع شركة فري ميوزيك، بعد سنوات من الخلاف والأزمات بينهما.
نشر الفنان بهاء عبر حسابه على “الفيس بوك”: “الحمد لله تم فسخ عقدي مع شركة فري ميوزيك (نصر محروس)”.
الجدير بالذكر أن آخر أعمال بهاء سلطان كانت من خلال أغنية مسلسل “ولد الغلابة” الذي عرض في رمضان الماضي.
كانت الفنانة إسعاد يونس، قد ناشدت المنتج نصر محروس بإنهاء الخلافات والنزاعات القضائية بينه وبين المطرب بهاء سلطان، والتي منعت الأخير من الغناء لفترة طويلة.
وأكدت إسعاد أنها مستعدة أن تذهب لنصر وتقبّل رأسه حتى يتم الصلح بينه وبين بهاء، مضيفة: “يا نصر إنت حبيبي وعارف أنا بحبك وبعشقك قد إيه، إنت أخويا وعشرة سنين طويلة.. أنا نفسى نفك الاشتباك ده بقى.. خلاص كبرنا، يمكن اللي جاي مش قد اللي راح، عشان كده أنا أرجوك إننا نقعد سوا ومستعدة اجي وأبوس على دماغك.. إننا نصفى الأمور بينك وبين بهاء سطان”.
تابعت رسالتها: “لازم الدنيا تكمل لأن السوق ناقص صوت بهاء.. واحنا كلنا واحشنا بهاء زي انت ما بتوحشنا لما بتغيب وتغيب عن اكتشاف الأصوات الجميلة اللي بتقدمها، ممكن نروق الأحوال وننسى القضايا والكلام ده؟!.. وحياة السنة الجديدة حرام إن الصوت ده يقعد في البيت”.
