إنتقل لاعب الفريق الأول لكرة القدم بالنادي الأهلي محمود كهربا إلى نادي الاتحاد الليبي على سبيل الإعارة لمدة ست شهور خلال فترة الانتقالات الشتوية الحالية.
وتحدث محمود كهربا في تصريحات تلفزيونية عن سبب خروجه من النادي الأهلي على سبيل الإعارة لمدة ست شهور.
وقال كهربا عبر برنامج الكورة مع فايق: سوف اخرج من النادي الأهلي على سبيل الإعارة لمدة ست شهور وانا ليس مستوعب ” الحياة بتلف بيا” الأهلي بالنسبة لي كل حياتي ومش متخيل.
وأضاف محمود كهربا: سبب خروجي من النادي الأهلي غير معروف ” الي عارفه الي فيها بس فنقفل الموضوع أفضل ودي حاجة بيني وبين النادي ولم أريد الحديث فيها”.
وتحدث لاعب الفريق الأول لكرة القدم بالنادي الأهلي عن سبب خلافه مع المدير الفني الحالي للقلعة الحمراء كولر.
وقال كهربا: تحدثت مع كولر كثيرًا ولكن كل لما اتكلم معاه بتوه وبروح لحتت تانية وبطلت اتكلم معاه ومعاملته اتغيرت عندما جاء موديست عكس وجودي انا ومحمد شريف.
وأضاف: وسام أبو علي قريب مني ولكن يأتي وقت والفريق يكون متقدم بثلاثة وأربع أهداف ولم ألعب ولو حتى ربع ساعة.
وتابع: تحدثت مع كولر وقولت له انت وقفت جمبي وانا أيضًا كنت سبب في الفوز بالمباريات وانا احب اتعامل نفسيًا وفي البداية كان يتعامل معي بشكل أخر ومفيش مشاكل بيني وبينه نهائيًا.
وأبدى محمود عبدالمنعم كهربا، لاعب الفريق الأول للنادي الأهلي، حزنه الشديد من الرحيل عن الأهلي، وتعامل السويسري مارسيل كولر المدير الفني للفريق معه.
وقال كهربا: “كولر سبب لي متاعب نفسية، ومكنتش مقتنع بأي كلام أو مبررات بيقولها، بقى يقولي كلام غريب ومش مقنع، يقولي أصل انت مش بتتمرن كويس”.
وأضاف: “مبقتش أروح أكلمه تاني ولا أدخل له المكتب أسأله أنا مش بلعب ليه، علاقته اتغيرت معايا، من أول ما انضم الفرنسي موديست”.
وأكمل: “الأهلي بيتي، أنا طالع ست شهور إعارة للاتحاد الليبي، ورغم كده مش مستوعب لأن الأهلي بالنسبالي كل حياتي”.
وأتم تصريحاته: “أنا هتعب أوي وهاخد وقت على ما اتأقلم نفسيا، بس في النهاية أنا طالع إعارة وأسباب الخروج حاليا بيني وبين الأهلي بس”.
