كشفت الفنانة سلمى غريب، عن تفاصيل بداياتها الفنية، بجانب الكشف عن سبب غيابها عن الساحة الفنية لمدة 7 سنوات.
وقالت سلمى غريب، في لقائها مع الإعلامية إنجي هشام، في برنامج “المنسي” المذاع عبر شاشة قناة “هي”: دفعتي في معهد السينما كانت مميزة جدًا لأني كنت دفعة أحمد السقا ورامز جلال محمد سعد، وكانوا أحلى 4 سنين في حياتي، وترشيحي لمسلسل حديث الصباح والمساء كان عن طريق المخرج أحمد صابر، مسلسل كان فيه 180 ممثل وممثلة، وبعتولي المسلسل قبل ما يبدأوا بـ أسبوع وبقيت مخضوضة ومبهورة، وكان من أحلى المسلسلات اللي عملتها في حياتي.
وعن فترة غيابها، فقالت سلمى غريب: أنا بقالي 7 سنين كده كاشة من الحياة، اتعودت على أسلوب معين أني أشتغل من غير واسطة، ودلوقتي بقيت أكتشف أن ممكن يجيلي تليفون عايزينك في مسلسل بكره الصبح، بكره الصبح أروح أعمل إيه؟ ومتقلقيش المشاهد ممكن تيجي على التليفون وإحنا واقفين، وده جو أنا مش متعودة عليه خالص، يعني لما أجي اتفق اتفق على إيه، أنا مش عارفة أنا فين.
وأضافت: في حاجات لما تتعرض بغير جدًا وبقول إزاي أنا مش فيها ببقى هموت، ولازم يكون في تناغم وأحضر وأتكلم مع المخرج.
وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.
