“راقية و شبهنا و النور ظاهر في ملامحها”… نشوي مصطفي تعلق علي حوار إنتصار السيسي مع إسعاد يونس

كتبت: بسملة علاء

علقت الفنانة نشوي مصطفي علي حوار انتصار السيسي قرينة الرئيس عبد الفتاح السيسي و وصفتها بالراقية و البسيطة في معاملتها و طريقتها.

و كتبت نشوي مصطفي عبر حسابها علي موقع التواصل الاجتماعي” فيسبوك”:مفيش أبسط من كده راقية ومتربية وطيبة وشبهنا قلبها منور والنور ظاهر فى ملامحها الهادية ، ست بيت مصرية زي كل ستات مصر”.

و أضافت: “اللى فرحنى انها كانت مابتعرفش تطبخ اول مااتجوزت زي معظمنا، وانها كانت بتقعد فى البلكونة مع اخواتها وكانت بتأزأز لب وهى بتسمع أم كلثوم، انها بتحب صوت الاذان بصوت مولانا الامام الحصرى، ماحستش انها زوجة رئيس جمهورية مفيش تعالى مفيش تعامل بفوقية”.

و تابعت:” حسيت انها صاحبتى اللي كانت معايا فى المدرسة او زميلتى فى الجامعة او جارتى، بنت بلد متربية فى مصر الحقيقية حوارينا وشوارعنا القديمة الاصيلة، لما شفنا صورة والدتها وصورة والدة سيادة الرئيس لقينا فيهم ملامح امهاتنا البسيطة”.

و اختتمت:” أهم الملاحظات بقى انها مااتكلمتش عن نفسها كتير كل كلامها على الزوج الشريك والحبيب عن همه ان بلده تكون الاهم والافضل، بنحبك وبنحب حبيبك”.

وكانت الإعلامية الكبيرة إسعاد يونس، قد أعلنت استضافة سيدة مصر الأولى، انتصار السيسى، حرم الرئيس عبدالفتاح السيسى، فى لقاء خاص، عبر شاشة DMC.

وقالت الإعلامية إسعاد يونس، في برومو الحلقة الذي أذاعته القناة: “شهر نوفمبر شهر مهم في حياة عيلة مصرية أصيلة في حي الجمالية.. وبعد شوية التاريخ أهميته بدأت تكبر بقيمة الشخصية التي ولدت فيه.. حتى أصبح مهم بقيمة بلد مهم بحجم مصر”.

وتابعت الفنانة إسعاد يونس: “الرجل الجينتل مان منحاز لنا ليه أكثر مننا شخصيا.. كل إنسان وله سلسلة مفاتيح الأمان عن الأب والحنية عند الأم والحلم عند الأبناء والسعادة عند الأحفاد وراحة البال عند العمل الطيب وخدمة الناس.. ومفتاح واحد بس يفتح كل الأبواب دي عند الزوجة السيدة انتصار السيسي”.