اللواء سمير فرج: “مسافة السكة” لمصر ليست شعارًا.. الجيش جاهز والدعم الخليجي محسوب

علق اللواء سمير فرج، الخبير العسكري والاستراتيجي، على تصريحات الرئيس عبد الفتاح السيسي عندما قال “مسافة السكة” لدعم دول الخليج خلال الحرب القائمة، مؤكداً أن مصر قادرة على دعم دول الخليج وأنها تستخدم العقل في كل شيء.

وجاء ذلك عبر منشور قام بكتابته على صفحته الرسمية بمنصة “فيسبوك” قائلاً: “لما الرئيس السيسي قال (مسافة السكة)، فيه ناس افتكرت إنها جملة حماسية وخلاص، بس اللواء سمير فرج طلع يحط النقط على الحروف ويفهمنا إن الكلمة دي وراها (جيش تقيل) وحسابات معقدة جداً”.

وأضاف: “بس الحكاية مش (عافية) وخلاص؛ الدعم المصري لدول الخليج ده (قماشة واسعة) ممكن يكون قوات على الأرض لو انطلب منها ده رسمياً وزي ما حصل قبل كدة، وممكن يكون (دعم ذكي)؛ يعني آليات، ذخيرة، معلومات استخباراتية، أو خبراء يقلبوا موازين المعركة من غير شوشرة”.

وأوضح: “مصر استضافت مباحثات سرية بين إيران ووكالة الطاقة الذرية، وبتحاول تفتح سكة كلام بين واشنطن وطهران؛ لأن (الدبلوماسية) هي اللي بتوفر الدم والفلوس، ومصر هي الوحيدة اللي عندها (مفتاح) التواصل ده”، ويكمل: “الجيش المصري قوي وجاهز، وإيد مصر ممدودة بالسلام، بس لو حد فكر يمس أمن الخليج بجد، (مسافة السكة) هتتحول من كلمة لفعل يغير موازين القوى في لحظة”.