تساءلت الإعلامية سهير جودة، عن سبب ارتفاع نسبة الطلاق في المجتمع المصري خلال الفترة الأخيرة، متابعة: «هل احنا مش عارفين معنى الجواز، أم أننا مبنتكلمش في الأمور الجدلية التي تكون محل خلاف من أجل ضرورة إتمام الجواز وخلاص، وبعد الجواز تحصل الخلافات ويبقى في طلاق».
وأضافت سهير في برنامجها الذي يحمل اسم «الستات»، والمذاع عبر فضائية «النهار»، قائلة: «في أربع أمور لابد ان يتحدث فيها الطرفين قبل الارتباط، وهي؛ الفلوس والحدود الاجتماعية اللي داخل فيها الشكل والخروجات واللبس والاصحاب، وطبيعة الحياة الاجتماعية، وعايزين إعادة تعريف جديدة لمعنى الرجولة، لأن أصبح الرجل بيستمرئ مسؤولية الست المادية على البيت و الحياة.. في حين ان الرجولة احتواء بكل المعاني المعنوية و المادية.. ».
وأشارت سهير جودة: «المفهوم الطبيعي للجواز زمان، هو استقرار وامان واحتواء، وان احنا نعدي مصاعب مع بعض، وفي عشرة وفي حاجات كثيرة جدا كان بيتعمل حسابها، وكانت مهمة جدا ووزنها كبير، دلوقتي الناس بتستعرض اكتر ، في حاجات كثيرة جدا بتحصل في الأجيال الجديدة فيها تغير كبير لطبيعة الأفراد داخل الأسرة.. ».
وتابعت: “البنات ليهم مفهوم في قصة الفلوس، وكذلك الولاد، البنت مثلا بتقول انا مستقلة وبشتغل فطبيعي ما احتاجش لحد ، طبيعي اني اصرف على نفسي ، وجوزها يبقى شايف انها طالما بتشتغل زيه فهي مسؤولة زيه.. و بمرور الوقت بيكونوا زي اتنين مفيش بينهم مودة.. علاقة ندية جافة و بعدها تبدأ الخلافات.. و بتكون النهاية سهلة و كلمة الانفصال سهلة “.
