أعربت الفنانه روجيناعن إعجابها بأعمال الفنانين محمد رمضان وأمير كرارة، قائلة: “محمد رمضان فنان موهوب جدا وكذلك أمير كرارة، وحبيت الشغل معاهم الاتنين”.
وأضافت روجينا خلال الجزء الثاني من لقائها ببرنامج “أنا والقناع” المذاع على قناة “الحياة”: إن الفن محاكاة للواقع، ومن الطبيعي أن يطرح العمل الشتائم الموجودة في الشارع”.
وتابعت:”دوري في مسلسل البرنس من أهم الأدوار وهو اللى نقلني لبطولة الأعمال الدرامية، علشان كده أنا ممتنة لمحمد رمضان وله حب في قلبي”.
وعن رأيها في أعمال زوجها الفنان اشرف ذكي قالت: إنه ظلم الممثل اللي جواه علشان نقيب الممثلين، ولما بيروح التصوير مبيكونش مركز”.
وتابعت: “هو مركز بس في مين اللي عنده مشكلة ولازم يروح يحلهاله”.
وأوضحت: “التمثيل حياة.. لازم الممثل يفصل عن كل اللي حواليه”، مشيرة إلى أنها دائمة النصح له بالتركيز في أعماله، وقالت: قلت له لو ركزت هتبقى في حتة تانية، لأنه عنده حالة نضج جميلة، وهو معيدي اللي علمني التمثيل”.
