بعد انفصالها ليلة زفافها.. مي حلمي: مش عايزة أتكلم وفرحة فستان بتاعة الراديو راجعة
كتب – محمد عيد:
أثار انفصال المُذيعة مي حلمي عن المطرب محمد رشاد، ليلة زفافها، وهو ما أثار حالة من الجدل على صفحات التواصل الاجتماعي، وتردد الشائعات حول طبيعة الانفصال وأسبابها، الأمر الذي أغضب الطرفين.
وكانت، مي حلمي، قد تعرضت لنوبة مرض شديدة، إثر ذلك، استمرت لأكثر من يومين، وكتبت اليوم على صفحتها على موقع التواصل الاجتماعي “فيس بوك” تدوينة قالت فيها: “مش عايزة اتكلم في اي حاجه غير عن وجع كسره الفرحه ،، ولا اعلام ولا ميديا ولا دنيا ولا مين شمتان ولا مين فرحان مش فارقلي … كلنا بندور علي الفرقعه علي السبق الي يضرب بس لو هتكلم عن نفسي عمري ما هعمل كده وقت غياب فرحه حد ومش اي فرحه دي فرحه العمر زي ما بيقولو ….. ازاي ؟ ازاي قدرتو تعملو كده لكل الناس واولهم القريبين”.
وأضافت “حلمي”، ازاي قدرتو تقولو كلام غلط وحكايات ماحصلتش ازاي سبتو فرحتنا علي جمب طيب هقولكم، عارفين يعني ايه بعد ما البس فستاني اقلعو ؟ بعد ما خلاص خطوه واحده من ٤ سنين مستنياه تبوظ بسبب الناس الي نقلت كلام غلط مش هقول الميديا الميديا طول عمرها كده وقبل ماشتغلها وانا عارفه انها كده نتكلم عن الناس الطبيعيه ….. ازاي قدرتو تشمتو وتفرحو في وجع غيركم والي يدعي والي يضحك والي يقول احسن فهموني انتو بني ادمين ؟”.
بتخافو ربنا ؟
هكذا أكملت “حلمي” حديثها، قائلة: “طيب حتي لو نفرض وده فرضا ان حد من الطرفين غلطان ليه الدعا عليه والحسبنه ليه اصله مش زرار هتقوم من النوم تدوس عليه فهتنسي العشره والسنين وتقعد تدعي وتهين لا لا ابدا مهما حصل بتلاقي نفسك مش طايق كلمه وحشه علي الطرف التاني ونفس الكلام للطرف الاخر “.
وأردفت: “بعد الهيصه والزيطه مابيفضلش غير الحلو وبيبان الوحش بس كل الي عايزه اقولو الشدد بتبين … في الاخر حبيت اخرج كلام جوايا من الي شوفته اليومين الي فاتو و والله والله مافرق معايا غير فرحتنا انا وهو مش انا بس الي اتكسرت فستاني الي قلعته بدلته الي اتقلعت ومحدش فاهم حاجه اهالينا الي زعلانين علينا”.
وتابعت: ماكنتش ناويه اتكلم بس كلام جوايا وكنت عاوزه اقولو محدش بيرضي في عشره عمره لو عامل فيه ايه مابيرضالوش الوحش ولا دعوه واحده بالغلط عشان ماحدش كان عارف ايه الي حصل معظم الناس انا كنت هناك انا كنت حاضر انا كنت شاهد … كنت دعيت ربنا يهدي الدنيا ويجمعهم في الحلال بدل ما كنت حكيت الي سمعته مش الي شوفته احساس صعب فرحه عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا
وأكملت: “فرحه فستان #بتاعت_الراديو راجعه راجعه ان شاء الله هنحكي كل حاجه وهنقول كل حاجه بس في الوقت الي احنا عايزينه مش الي الناس عاوزاه…. نصيحه من قلبي لكل اتنين متجوزين عايزين يسيبو بعض لكل اتنين مخطوبين لكل اتنين بيحبو بعض “الحب مابيتبعش” ولو ضيعتوه والله مابيجي تاني امسكو فيه مهما حصل، اكيد هنطلع ونتكلم بس ادونا شويه فرصتنا مع بعض بعيد عن الاضواء، وعاوزه دعوه حلوه لينا ارجوكم”.
