كسرة القلب تتحول إلى دائرة انتقام ساخرة على السوشيال ميديا.. الشباب يطلق حملة “خليها تعنس”.. والفتيات ترد بـ”خليك في حضن أمك”.. وشاب  يشرح هدف الرجال ويرد الكرامة بحملة  “إلهي تنشكي في معاميعك يا بعيده” (صور)

كتبت: منار محمد

“لازم يجبلها شبكة زي بقي العيلة”.. “بنتى متجوزش إلا في شقة تميلك”.. “عايزين شبكة”.. أنه جزء من اللقاء الأول الذي يجمع أهل العروس والعريس، تتبدل الفرحة بكسرة قلب، وينتهى اليوم الذي مر سريعًا للاستعداد لمقابلة “حب العمر” وانتظار فرحة، بدمعة على وسادة خالية، يجد الوجع مسكن مريحًا داخل قلب كل منهم، بعد أن يتأكد الشاب أنه لا يملك ما يجعله مقبول عند والد حبيبته.

سيناريو مكرر في أغلب البيوت المصرية، لكن النهاية واحدة، تظل الأسعار في الارتفاع، وتستمر القلوب في الانكسار، لكن مع ضغوط المجتمع على الشباب الذي لا يجد مئات الآلاف لشراء “شقة” أو شبكة، وجد أحدهم أن التعبير عن ما وصلوا إليه يجب أن ينكشف، فاتخذوا من السوشيال ميديا منصة للتعبير عن ذلك، فدشن الشباب حملة “خليها تعنس”، لكن بعد ساعات تحول الأمر إلى سخرية ومسرحية هزلية.

ما بين السخرية والحزن، كانت ردود الفتيات على الشباب عبر “تويتر”، فقالت نورهان عبر حسابها الرسمي “خليها تعنس إيه! ده احنا بنصلي استخاره علشان نرفضكو”، أما عن أحمد فريد، فعلق على الحملة قائلًا: “ماشاء الله شعب عايز كتالوج، انتشار هشتاج خليها تصدي- تعنس- تعفن، الم تعملوا أن حل كل هذه الحورات والمجادلات الرجوع إلى الدين والضمير الحي”.

“يجي أبو العروس تكون بنته مش جميلة، ويقولك عاوز زي بنت عمها، طب حضرتك هاتلي واحدة جميلة وانا اجيبلها زيهم”، كان ذلك تعليق حمدي عبر حسابها بـ”تويتر” على حملة “خليها تعنس”.

علقت العديد من الفتيات أيضًا عبر حسابتهن الشخصية بموقع التواصل الاجتماعي “فيس بوك”، فقالت مي سعيد: “ انا عايزة اقول حاجة بمناسبة حملة “خليها تعنس”، انا مش متدايقة من الحملة دى ومضمونها التافه بالعكس فعلا”.

وأضافت: يمكن لما الخطاب دا ينتشر، البنات تفهم اغلب الرجالة بيبصو للست ازاي أو بيعاملوها على أساس ايه، وأنها مجرد بيعة وشروة مش كيان كامل وشريك مساوي لهم في الحقوق والواجبات والمسئوليات كاملة، يبدأوا يفهموا أن الجواز مش هدف ولا جائزة يتسابقوا عليها ولا حاجة يتخاف عليها من الحسد والعين والسحر والكلام الفارغ دا”.

وتابعت”يمكن يفهموا أن الحياة اكبر من “ضل راجل”، وان الجواز مرحلة وتجربة ممكن تتأخر عادي مش هتكون نهاية الكون، وانها محتاجة دراسة ووعي ونضج قبل أي حاجة تانية”.

واردفت: يمكن خطاب الكراهية يخلينا نفهم ايه هي حقوقنا وان الست مش خدامة، ابوها يفاصل في مهرها وشبكتها علشان هيوديها بيت راجل تاني تخدمه كأنه عيل رضيع وأحيانا هو امه وعيلته كلها، وان الجواز حياة كاملة مع واحد هاصحى وانام في وشه فالأهم اختار الحب والتفاهم قبل النيش وطقم الكاسات والنجف”.

واختتمت تعليقها، بقول: “انا عارفة أن الحملة مهينة واللي عاملها غالبا مريض نفسي، بس منظومة الجواز عندنا كلها لازم تتهد ويتعاد صياغتها إجتماعيا ودينيا”.

 ساعات مرت، انتشرت خلالها مئات التعليقات على مواقع التواصل الاجتماعي، لكن بعض الفتيات لم يرضهن ما يحدث، فقررن تدشين حملة ردًا على “خليها تعنس”، واختاروا لها اسمًا مميزًا، وهو “خليك في حضن امك”.

علقت ندى عبر “تويتر” على حملة الفتيات، قائلة: “ اكيد ربنا ليه حكمه في أنه خلقنا ناقصات عقل عشان نحب الرجاله مهو مش معقول حد عقله كامل هيحبكوا”، أما عن يوسف، فقال: “ اللي عمل  خليها تعنس وهاشتاج خليك في حضن امك من الجنسين ان دل انما يدل علي انحدار اخلاقي يمر بها المجتمع من الجنسين الذكور والاناث، ويدل علي المستوي المتدني اللي وصلت ليه الأخلاق وأجيال ذهبت أخلاقهم وآثارها بتظهر في مثل هذه الهاشتاجات!!”.

وعلق عمر بقول لرسول الله “صلى الله عليه وسلم”، قائلًا: “ قال رسول الله صلى الله عليه وسلم: اذا جائكم من ترضون دينه وخلقه فزوجوه”، فيما قال كريم: المفروض فى المهر تتبعو السنه وتخلوها ع الوسط ولا تقيله ع الشاب ولا قليله ع البنت، وده لان اصلا المهر المالى ده رموز بس المهر الاصلى ان الشاب يحافظ ع البنت دى ويصونها ويعملها اللى عايزاة بس طبعا فى الحدود”.

 بعد ردود متبادلة بين الطرفين وتعليق العشرات على الهشتاجات، دشن شاب يدعى أحمد عبد الغني حملة جديدة للرد على الفتيات، كنوع من استرداد كرامة الرجال بعد حملة الفتيات، عبر حسابه الرسمي بـ”فيس بوك”، وأطلق عليها “ إلهي تنشكي في معاميعك يا بعيده”.

وقال عبد الغني: أنا قررت اعمل حمله ياكش تنشكي في معاميعك يا بعيده، والفرق بين الاتنين ان الراجل اتكلم في صلب الموضوع واقتصر تصويبه على الهدف الذي يدور حوله كل الفيلم وقال خليها تعنس_ يعني طلع مسدس، وحط طلقه ٩ ملم واسفل منتصف الهدف وضرب وخلصنا، لكن الست بقه تسكت؟ لا متسكتش قامت مطلعه البندقيه الخرطوش وهي بتشد الأجزاء طلعت طلقه في السما نزلت 13 غراب ينوحوا عليكي يا بعيده ملهم علاقه اصلا بالصقر اللي انتي بتصاديه!”.

وأضاف: هذا هو الفرق، راجل يعني تفكير في صميم الموضوع، وتنفيذ في صميم الموضوع، نتيجه متعلقه بالموضوع، صداع اقل، رغي اقل، حبكه دراميه زيرو”.

وتابع: إنما اللي عامله حمله زي خليك في حضن امك، تفكير في موضوع، تحليل DNA للموضوع، اخد رأي صاحبتي اللي مرت بنفس المشكله، اكتئاب اسبوعي، لقطه في مسلسل تركي ينبع منها خطه عبقريه لانهاء الموضوع، تنف، وتلبس في الحيط، النتيجه يجيلها اكتئاب، ويجي الراجل يحلها في قعده مع كبايه شاي وسيجارتين.