“عيب اللي حصل دا”….أيمن بهجت قمر يطالب هاني شاكر بالتدخل في أزمة شاكوش

كتبت:مروة بدار

عبر السيناريست أيمن بهجت قمر عن استيائه من الألفاظ التي استخدمها كل من مغني المهرجانات حسن شاكوش والمطرب الشعبي رضا البحراوي.

نشر بهجت قمر فيديو شاكوش وهو يغني باسم رضا في إحدى حفلاته، معبرا عن استيائه مما قيل، وكتب: “يا خرابه يا ابن ال…… في حفله عامه !!!!!
دكتور خالد عبد الجليل .. ا. هاني شاكر
ياريت تشوفوا الفيديو ده وانا متأكد ان ده مايرضيكوش .. بجد عيب اللي حصل ده وماينفعش يعدي”.

والجدير بالذكر قام المطرب حسن شاكوش بث مباشر عبر صفحته الرسمية بموقع الفيس بوك، قال: “أنا مش بطلع أغني أغاني حد، أنت مش ليك أغاني ولا عندك CV، لإن الأغاني اللي بتغنيها مش بتاعتك، أنت مش بتصرف على أغانيك عشان عارف أنك لايف بس، كل قناتك عبارة عن تسجيل لحفلاتك بس، وإحنا جينا على نجاح مش على البايظ”. وتابع: ولو شوفت الأرقام بتاعتي هتتخض، أغنية واحدة من بتوعي بتاريخك كله، وأنا بطلع أغني شغلي، لكن مش باخد إيفيهات من على التكاتك والميكروباصات، اجتهد وهات فكر من دماغك وبلاش تعلق همومك على شماعة غيرك، وعمري ما سمعت ليك أغنية في الشارع مكسرة الدنيا. وأضاف: الغلط راكبك من ساسك لراسك، ولو على السب أنت اللي سبيت وجبت سيرتي بالاسم، أنت اللي قولت (فين حسن هو هرب أنا نفسي فيه)، أما أنا فذكرت إفيه من فيلم “حين ميسرة” والجميع فهم الإيفيه، وماغلطتش في أمك وأبوك، جزمتهم فوق راسي عشان في مقامي أهلي.

يذكر أن الأزمة بدأت منذ أيام في أحد الحفلات التي جمعت بين شاكوش والبحراوي في الساحل الشمالي، فعندنا صعد شاكوش على المسرح، وكانت فرقة رضا مازالت متواجدة على المسرح، فقرر مطرب المهرجانات أنه لن يستكمل فقرته إلا عندما تغادر الفرقة الأولى المسرح، ونُفذ طلبه وسط استياء من أعضاء الفرقة.

وقبل انتهاء فقرة شاكوش، صعدت فرقة البحراوي من جديد للمسرح، مما أثار غضب شاكوش، ووجه لهم إشارات خارجة وبذيئة، فردت عليه الفرقة وتبادلوا السباب، لولا تدخل حمو بيكا لتهدئة الوضع.