أبدى مطرب المهرجانات عمر كمال، حزنه الشديد من الهجوم الضاري الذي تعرض له فور نشره صوره تجمعه بالشيخ مبروك عطية على حساباته الرسمية على مواقع التواصل الإجتماعي، معلنا أن هناك مفاجأة كبيرة في شهر رمضان المقبل.
وكتب كمال، منشورًا طويلًا عبر حسابه على موقع التواصل الاجتماعي فيسبوك يرد فيه على منتقديه وكل من هاجمه، وعلق: “أتصورت صورة وأتشرفت بده مع فضيلة الشيخ مبروك عطية في لقاء هيتذاع معاه في رمضان إن شاء الله وحلقة كلها خير وكلام محترم”.
وتابع: “كلام الناس وتعليقاتهم حسستني أنه متصور مع يهودي أو كافر أو مرتد أو إنسان لا مؤاخدة نجس وهيدنس الشيخ!! وكومنتات إزاي ده يتصور مع ده!! مع أني مش وحش للدرجة ديه”.
وأكمل: “زي بالظبط ما خلوني أبطل أفكر أصلي في المسجد، أول ما أخش بحس أني إنسان منبوذ، والناس بتبصلي بصة غريبة، لدرجة سمعت واحد بيقول للتاني، أقف جمبه أنت، لأحسن ربنا ميتقبلشي مني صلاة!!”.
وأكمل: “ومش بقول انى مقطع السجادة، أنا زي أي إنسان بيقطع في الصلاة، وبيرجع بس ساعات ببقى حابب أدخل المسجد وفعلًا بطلت ده من الناس”.
