سما المصري توجه رسالة إلى مهاجميها في مرضها الأخير

وقالت سما “الحمد لله علي كل اللي يجيبه ربنا … الناس اللي بتقولي هو اللي زيك فاكر ربنا ؟؟ احب اقولهم اولا محدش عارف ايه العلاقه بين اي بني آدم وبين ربه ثانيا لو انا مش فاكراه فهو فاكرني وفاكر كل عباده ومش عيب لما نمرض تفتكر ربنا اكتر من اي وقت ((واذا سالك عبادي عني فاني قريب اجيب دعوه الداعي اذا دعان))، سيبوا علاقتي بربنا ليا لوحدي انا اللي هتحاسب لو بعمل حاجه غلط مش انتوا”.

وأضافت “عيب عليكوا افتكروا ان ربنا لو حب عبده ابتلاه وانا ربنا بيحبني حتي لو بعمل غلط وهو اللي قادر يهديني مش كلامكم وتجريحكوا فيا حتي في مرضي …تخلقوا باخلاق الرسول وبلاش شماته عشان شماتتكم دي بتاخدوا بيها ذنوب من عندي وتبقي ذنوبكم انتوا وانا اللي باخد حسناتكم ..اتقوا الله المرض مفيهوش شماته ولا له كبير وداين تدان…ربنا يهديكوا ويسامحكم ع الشماته فيا”.

وجدير بالذكر أن “المصري” تعرضت لوعكة صحية أدخلتها المستشفى، مساء أمس، وخضعت للتحاليل والفحوصات، وكشفت عن التفاصيل عبر صفحتها الشخصية بموقع التواصل الاجتماعي “انستجرام”، حيث نشرت صور لها من داخل المستشفي.

وقالت أنها تعرضت لهبوط وإغماء أمس نُقلت على إثره إلى المستشفي، وأظهرت التحاليل إصابتها بالتهاب في جدار المعده وارتجاع في المرئ، وأنها ستواصل العلاج بالمنزل.