سما المصري: يارب محتاجه وقت عشان انضف للابد
كتبت – إيمان فهمي
نشرت الفنانة سما المصري، صورة جديدة لها، وذلك عبر حسابها الرسمي على موقع تبادل الصور والفيديوهات الشهير “انستجرام”.
وعلقت “المصري” على الصورة قائلة “يااارب قدرني علي اللي في نيتي ونور طريقي إليه ونور بصري وبصيرتي وابعد عني اللي مش عايزه اعمله تاني ولا اللي يزعلك مني ويزعل الناس مني..اقف جمبي يارب..انت طلعتني من محنتي ووقفت جمبي في مرضي وعافيتني واستجبت دعايا قدرني وكملها معايا بالستر وابعد عني شيطاني وقويني بحق الساعه المفترج دي ماتسبنيش”.
وتابعت “ادتني الصحه والعافيه اديني القوه كمان عشان اقدر علي نفسي واقدر علي شيطاني حتي لو واحده واحده انا هاصبر واتحمل..قويني علي شيطاني وخليني انتصر عليه حتي لوبعدوقت طويل المهم تحسن خاتمتي..دعوه اتقبلها مني يارب بحق اليوم المفترج دا اللي بتغفر فيه ذنوب سنه بأكملها فاتت”.
واستكملت حديثها قائلة “انا بدأت انضف حاجات كتير من صور وفيديوهات هنا الشيطان وزني عليها ومليش فيس ولا تويتر امسح من عليه حاجه مش بتوعي بس انا السبب ان اديتهم فرصه ينزلوا صوري الوحشه عندهم”.
واضافت “يارب محتاجه وقت عشان انضف للابد كل حاجه خليك واقف جمبي..والناس اللي منزلين صوري وفيديوهاتي الوحشه ابوس ايديكم شيلوها ماتشيلونيش ذنب اكبر من كده..ادعولي لو نيتي صافيه ربنا يقف جمبي ويقويني”.
