انصحك بالابتعاد عنهم وعدم الاعتماد عليهم في اي فضفضه تستهدف اي مشكله تخصك أو موضوع يهمك حتى لو كانوا قريبين منك،علشان ماترجعش تندم بعد كده
الشخص الأول:
شخص فاشل فشل كبير ومتكرر في نفس موضوع مشكلتك،تفتكر ماذا لديه لكي يفيدك به، ماهو لو كان عنده حاجه مفيده كان أفاد نفسه بها
الشخص الثاني:
شخص بيحقد عليك وبيغير منك،وأعتقد إنك بتبقى حاسس به من خلال اقترابك منه وتفاعله معك، هل يعقل ان تكون نصيحته أو مشورته لك لصالحك.. اشك بالقطع
الشخص الثالث:
شخص غير متزن انفعاليا وغير واثق من نفسه، كيف تأمن لشخص مهزوز ومتقلب يقدملك رأي سديد
الشخص الرابع:
شخص خبراته في الحياة ضعيفة ومعلوماته ضئيله،تفتكر إزاي ممكن تتوقع منه رأي أو مشورة سديدة وهو خام عديم الخبرة والممارسة
الشخص الخامس:
شخص مفيش بينه وبينك اي خبرات او تفاعلات مسبقة ومشتركة، كيف تأمن لحد تتكلم معاه عن أسرارك ومشكلاتك الشخصية وإنت مش مالي أيدك منه ولا واثق فيه،لعدم معرفتك الجيدة به
الشخص السادس:
شخص خفيف مابيتبلش في بؤه فوله، هذا الشخص ممكن يفضحك ويلم عليك الناس و يخليك تندم ندم السنين والتنين إنك فضفضت معاه
الشخص السابع:
شخص بينتمي لناس بينك وبينهم عداوه ومن السهل استقطابه لضربك من ورا ضهرك..
#مجرد_ خاطره
ا.د.فتحي الشرقاوي
أستاذ علم النفس جامعة عين شمس
