علقت مقدمة البرامج سارة نخلة على افلام عيد الاضحي لعام 2023 خلال برنامجها “فيس أوف” الذي يعرض على شاشة قناة “هي”.
وكشفت سارة نخلة، عن إعجابها بالتنافس بين أفلام العيد الأربعة من المنظور الفني: «فى حاجة غريبة بتحصل مع كل فيلم، بيبقى في تنافس بين المنتجين في الإيرادات، وبعض المنتجين بيشوفوها مقياس للنجاح، كل منتج بيقيم فيلمه على أنه نمبر وان وأعلى إيرادات، يا جماعة مين الأول ومين التانى».
وتابعت: «الإيرادات مش مقياس لنجاح الفيلم، زمان فيه منتجة اسمها آسيا داغر عملت أفلام كتير أوي، وفى فيلم الناصر صلاح الدين ساعتها حطت فيه ميزانية كبيرةأوي»
وأضافت: «الفيلم كان من إخراج الراحل يوسف شاهين ولكن محققش إيرادات واتشال من السينما لكن دلوقتي هو من أهم ١٠٠ فيلم فى تاريخ السينما المصرية أو السينما ككل، الفيلم ماجبش زي ما اتصرف عليه ولكن فضل رمز وعاش سنين وسنين»..
