رامي صبري: بحترم الهضبة و مفيش اي عداوة بنا
كتبت: بسملة علاء
كشف الفنان رامي صبري عن سبب خوضه لتحدي أغنية “محسود” للهضبة عمرو دياب.
وكتب عبر حسابه على فيسبوك”: أولًا أنا عملت تحدي لأغنية محسود علشان حاجتين أولهم علشان الأغنية حلوة أوي وانا بحب النوع ده من الأغاني، ألحان صديقى الملحن خالد عز .. ثانيًا علشان اقول للناس كتير من الجماهير إن العلاقة بيني وبين الفنان الكبير عمرو دياب علاقة محترمة من عندي ومن عنده حتى الكلام اللي وحش اللي دايما بشوفه على السوشيال ميديا مكانش بيغير حبي واحترامي ليه بالعكس انا كنت بشتغل اكتر إني اعمل أغاني مهمة ه وده حصل اخيرا من انهارده عايز اكلم الجمهور الكبير جمهور عمرو دياب يفهم اني بحترم هذا الرجل وبحترم تاريخه جدا ومفيش بنا اي عداوه او كره ذي ما بعض الناس بتقول . مبروك الالبوم يا هضبه ودايما مشرفنا وفخورين بيك وشكرا لكلامك الحلو “.
واختتم بتهنئة صناع العمل وكتب: مبروك لكل صناع الاغنية الحلوة دى الشاعر الكبير تركى آل الشيخ، والملحن الكبير خالد عز والموزع الكبير عادل حقي”.
علق النجم الكبير عمرو دياب على غناء الفنان رامي صبري لمقطع من أغنيته الجديدة “محسود” وذلك بعد قبوله التحدي الذي أطلقه الشاعر تامر حسين والذي دعى فيه أصدقائه من المطربين للمشاركة بغناء مقطع من الأغنية.
