هاجم مطرب المهرجانات حمو بيكا نقابة المهن الموسيقية، وكشف معاناته في العدم تمكنه من العمل داخل مصر، وذلك من خلال بث مباشر عبر بموقع التواصل الاجتماعي فيسبوك.
وقال بيكا : انا مش شغال في بلدي أنا شغال برة مصر وبلدنا فيها قانون وهاخد حقي من نقابة الموسيقيين بالقانون اللي جات عليا وعلى لقمة عيشي وحياتي.
وتابع: مش بعرف أقرى ولا أكتب والناس حبتني عشان قالوا عليا قلبي أبيض، جنسيتي مصرية ومش عارف اشتغل فيها وفيه أجانب وشغالين في بلدي.
واضاف: حسبي الله ونعم الوكيل في كل واحد ظلمني ومش مسامح اي حد ظلمني.. أنا جبل مش هيهزني ريح وواقف على أرض صلبة وربنا معايا اللي أحسن من أي حد.. أنا عاوز أكل عيش انا مش بنام من التعب والتفكير.
واستكمل بيكا: البلد فيها قانون وهاخد حقي من النقابة بالقانون وإزاي ناس النقابة قالت عليهم مزورة ومسجلة وخدوا الكارنيه بعد أسبوع أنا هكشف كل حاجة وبالقانون.. وكل واحد وقف في مستقبلي هقوله هشوف فيك يوم وفي أعز ما لديك عشان أنت دمرتلي حياتي ومستقبلي.. اما أكشف ظلم النقابة لي وهاخد حقي مش عاوز أمسك مايك تاني أو أغني.
