تعرف علي سبب ظهور ابن الفنان محمود عبدالعزيز بجانب صوره أبيه الراحل
كتبت : إيمان عبدالحميد
نشر الفنان محمد عبدالعزيز، صورة له ممسكا بإطار به صورة قديمه لأبيه الفنان الراحل محمود عبدالعزيز، ووضح سبب ظهوره ممسكا بها وذلك من خلال حسابه الشخصي عبر موقع تبادل الصور والفيديوهات الشهير “إنستجرام”.
وعلق عبدالعزيز، أسفل الصورة قائلًا: “برضه هتصور مع حضرتك و هتجمعنا صور جديدة ..(سبب نزول الصوره) ..بصراحه الصوره دى ماكنتش متصورها عشان انزلها على السوشيال ميديا، كنت عاملها ليا انا بس عشان احطها على موبايلى و اعلقها فى بيتي و شركتى، بس قلت لنفسى ان اكيد فى ناس كتير عامله زى حالاتى و ليها حد غالى عليها بعيد عنها، ايا كان نوع البعد حتى لو مسافر مده طويله”.
وأضاف “نصيحتى ..إعمل زى ما انا عملت، إتصور صوره حلوه مع صوره حلوه للشخص الغالى عليك و لو كان مسافر إبعتهاله و عرفه قيمته عندك و حسسه بحبك ليه، ساعتها اكيد هيفرح و انت كمان هتفرح و هتقصر بينكوا المسافات مهما طالت”.
وأخيراً “العمر مهما طال قصير اللى انت حاسه قوله و اللى بتحبه قوله بحبك فى وشه صدقنى ممكن بكره ماتلاقيهوش ..أما لو الغالى عليك المسافه اللى بينك و بينه ابعد من السفر ..اكيد برضه هيحس و هيفرح و انت كمان هتفرح انك معاه فى صوره جديده حتى لو مع صورته ..أسألكم الفاتحه و الدعاء لابويا و لكل من رحلوا عنا”.
