كشف الفنان تامر حسني عن الصور الأولى لفيلمه الجديد ” بحبك ” مع النجمة هنا الزاهد .
ونشر تامر حسني عبر حسابه موقع التواصل الاجتماعي فيس بوك صورًا من كواليس الفيلم مع هنا الزاهد وكتب عليها “: مساء الهنا على اغلى ناس على قلبي انا.. دي صور من أول يومين تصوير لفيلمنا الجديد ( بحبك ) طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثى للرجل في احداث فعلاً محيره جداً “.
وأضاف :” الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم و المستقبل الجميله هنا الزاهد و مبسوط اني أول من اكتشفها في بداية حياتها و في الفيلم دا بكتشفها تاني و بقدمها بشكل جديد عليها و عليكم “.
وتابع :” مبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل أن شاء الله شغل رهيب في الفيلم كعادته الجميله و للأسف لسه مصورش علشان انزل صوره بس في أول يوم تصوير له ههريه صور و انتظروا بعد أيام انضمام نجمه جميله مميزه من نجوم المستقبل” اللي هيكون ليها مستقبل كبير ان شاء الله “.
اختتم :” فرحان جداً بإنضمام الفنان الموهوب اوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه و يكرمنا معاه / الفيلم من انتاج حبايب قلبي و اصدقاء العمر … سينرچي احمد بدوي / تي ايتش برودكشن حسام حسني / سكاي ليميت أحمد الدسوقي”.
