اعتذرت الفنانة حلا شيحة، لوالدها الفنان التشكيلى أحمد شيحة، بعد هجومها عليه، فى منشور أمس السبت، موجهة اللوم له. ونشرت «حلا» صورة تجمعها بوالدها عبر حسابها الشخصى على «إنستجرام»، وعلقت عليها: «حبيبى والدى الغالى أعز الناس، بحبك.. وأنا متفهمة حبك وخوفك عليا، وانت أغلى الناس.. إنت غالى عندنا كلنا».
هجوم حلا شيحة على والدها
وكانت حلا شيحة، وجهت رسالة لوالدها عبر حسابها على «إنستجرام»، قائلة: «أنا الحمد لله سعيدة فى حياتى، ومع زوج أتشرف إنه زوجى وبعتز بيه، واحنا أصدقاء قبل أن نكون أزواج، وكل كلمة أكتبها وقلتها نابعة منى، وأنا متدينة بطبعى زى أى ست مصرية بتحب دينها، وده لا يعيبنى، وتدينى اللى بدأ من أكتر من 15 سنة من المنطقى إن معز مش هو سببه، مش محتاجة حد يخطفنى أو يكتب عنى أو يوجهنى.. هذا كلام لا يليق.. دعوا الخلق للخالق وكل واحد يخليه فى حاله».
وتحدثت حلا شيحة فى منشورها عن زيجات «معز مسعود» السابقة، قائلة: «معز زيى اتجوز 14 سنة من عمره، وكان مستقر فى حياته وعنده ثلاث أولاد ربنا يخليهمله جمال ما شاء الله، وعمره ما كان بتاع ستات زى ما بيتقال، كلام لا يليق أبدا، وفى الآخر زيى لم يكمل جوازه وحدث الطلاق، وكلنا معرضين لده، طبيعى إنه كان بيحاول زى أى راجل محترم إنه يلاقى استقرار فى حياته فى الحلال، ومتوفقش أكتر من مرة، ودى مش حاجة تعيب أى حد، والحمد لله اتقابلنا وتلاقينا لأن ظروفنا قريبة جدا وعندى أولاد مثله، وأولادنا شبه بعض الحمد لله، واستقرينا احنا الاتنين، ليه ده يزعل الناس بدل ما ندعى لبعض بالخير بقينا نتصيد لبعض».
