السيسي يشهد احتفالية مبادرة “كتف في كتف” باستاد القاهرة

وصل منذ قليل، الرئيس عبد الفتاح السيسي إلى استاد القاهرة الدولي لحضور حفل احتفالية التحالف الوطني للعمل الأهلي التنموي لإطلاق مبادرة كتف في كتف

رسالة السيسي للمصريين

وقال الرئيس عبد الفتاح السيسي، خلال كلمته:”يوم جميل ومنظر جميل جدا وأنا سعيد بكم ومتشرف بكل الحضور والمشاركين، ومش عارف اشكركم ازاي؟ شايف قدام مني شباب وشابات واعمار مختلفة ومتطوع صغير بيقولي احنا موجودين”.

وتابع:”عايز أقولكم حاجة مهمة إن المصريين بيأكدوا كل يوم باختلاف طبقاتهم يعني والموجودين شريحة من كل أطياف المجتمع وبيقوموا بمجهود كبير في وقت صعب، إن إحنا نساهم في تخفيف الأزمة الكبيرة اللى بتمر بيها الدنيا وبتمر بيها مصر وغلاء الأسعار، إننا نلف علي البيوت ونخفف عليهم الغلاء بـ5 مليون كرتونة غذائية، الهدف منها في الأيام الكريمة تبقى الأمور كويسة للناس كلها”.

وتابع:”دعواتي ليكم كلكم بالخير والسلام، وعايز أقولكم حاجة مهمة أوي من الحاجات المهمة جدا إدخال البهجة والسرور علي الناس واللى إحنا بنعمل ده في المبادرة كتف في كتف، بنقول للناس أنا شايفك ومعاك وبحاول اخفف عنك، ودايما المصريين إيد واحدة”.

مبادرة كتف في كتف

شارك اتحاد الصناعات المصرية بالتعاون مع مؤسسة “حياة كريمة” في مبادرة كتف في كتف  التي أطلقها التحالف الوطني للعمل الأهلي التنموي بأكثر من 20 ألف كرتونة مواد غذائية.، كما يساهم اتحاد الصناعات المصرية بتوزيع 35 ألف كوبون سلع غذائية تُصرف من المجمعات الاستهلاكية التابعة لوزارة التموين والتجارة تزامنًا مع شهر رمضان المبارك.