تحدث الرئيس عبد الفتاح السيسي، عن العرض المسرحى الذى تم عرضه ضمن فعاليات الندوة التثقيفية الـ 35 للقوات المسلحة، والذى يستعرض قصة أسرة تتلقى خبر استشهاد ابنها الضابط، كما تحدث الرئيس السيسي، عن معاناة أهالى الشهداء.
وقال: “اسمحوا لى اشكركم أنكم خلتونا نعيش الحقيقة اللى بتعشيها أسر كتير بتقدم ابنها شهيد أو حتى مصاب.. العمل الدرامى دائما بيوفر فرصة لنا كلنا يسجل وقائع يمكن أحنا مش بنعشها كلنا”.
وأضاف الرئيس السيسي، خلال كلمته في فعاليات الندوة التثقيفية الـ 35 للقوات المسلحة بمناسبة يوم الشهيد: “العمل الدرامى بيدخل كل بيت.. ويشوفوا الناس قد ايه التمن اللى دفعته أسر بعد لما ربت وكبرت وعملت وضحت وقدمت.. اللى قدمته شهيد أو مصاب بعد كان ملو الدنيا بقى شهيد.. هو ملو الدنيا برضه.. هو شهيد ملو الدنيا”.
وتابع: “فراق الابن أو الزوج أو الاب صعب.. بشكر اللى قدموا العرض الدرامى عن تضحية الشهداء.. الكلام ده قولتله قبل كده.. يا مصريين.. اللقطة دى أو الفقرة دى.. ده ثمن كبير اوى اندفع علشان كلنا نعيش.. فأقل تمن ندفعه أننا نحافظ اللى هما ضحوا من أجله.. شبابنا زينة شباب مصر من كل حتة.. من جيش وشرطة وقضاء.. حتى المواطنين العاديين”.
وتحتفل القوات المسلحة المصرية يوم 9 مارس من كل عام بيوم الشهيد، وذلك تخليدا لأرواح الشهداء والتذكير بالتضحيات التى قاموا بها في سبيل الحفاظ على الوطن.
