كشف الرئيس عبد الفتاح السيسي، عن عدد الطلبة الذين انطبقت عليهم شروط الحصول على تدريب على نفقة الدولة بقيمة 30 ألف دولار لكل طالب، مضيفا: ” لما اعمل اختبار لـ 200 أو 300 ألف هلاقى المعايير تنطبق على 50 % مش كده؟ بتظلم شبابنا وتعليمنا.. لقيت 111 شابا فقط، علشان تعليمي تعبان”.. كنت مستعد لو فيه 100 ألف طالب قسما بالله قلت هدفعلهم 30 ألف دولار لكل طالب”.
أضاف الرئيس خلال كلمته في تدشين مشروع تنمية الأسرة المصرية: “يا مصريين اصحوا إذا كنتم خايفين على بلدكم انتبهوا القضية كبيرة جدا قضية بناء مواطن، موجها حديثه للمواطن، انت بتجرى على انك تدخلوا كلية وخلاص وبتحطوا جوه المدرسة وخلاص، وفاكر انك بتجهز ابنك، وفيه كلمة النبي محمد صلى الله عليه وسلم قال اعقلها وتوكل”.
وتابع الرئيس السيسي: “حد قال لبنته لما تيجي تتجوز انتظرى سنة أو اتنين وخدى نفسك وعيشى وتتعودى على الحياة الجديدة، مبتكلمش على تنظيم أسرة خالص، انا قلت لبنتي كده.. قلت استنى سنتين تلاتة على الأقل”.
كما تحدث الرئيس عبد الفتاح السيسي، عن تحديات الأسرة المصرية، قائلا: “فيه أم عندها طفل ولا طفلين.. تقدر تقعد كل يوم ساعتين للرعاية.. احنا اختزلنا العلاقة.. بخليها تشتغل تساعدنى علشان يأكل.. الوظيفة المرتبات فى مصر مرتبات دنيا.. هو حد يقول الكلام ده في الموقع اللى أنا فيه.. ايوه مرتبات دنيا ومنخفضة… هو أنا السبب.. عاوز أدى المواطن 30 ألف جنيه.. طب إزاى تعملوها إزاى”.
وأضاف الرئيس السيسي، خلال كلمته في إطلاق المشروع القومي لتنمية الأسرة المصرية: لما قولنا كشف طبي قبل الزواج.. طب مش من غشنا فليس منا.. قسيمة الزواج الكشف الطبي ده آى كلام.. والطفل يطلع آى كلام.. انت مشارك في القضية.. انت السبب.. أنت ظالم.. وقصرت معاه.. لازم تعمل الفحص الطبي.. وتقف الأسر عليه.. في النهاية الطفل خدنا بالأسباب في علم الدنيا والتطور.. نعمل الفحص ده.. ياترى بنعمل كده.. ولو راجل عنده 12 سنة وعاوز يجوزها.. هو إحنا كده بنعرف ربنا.. هو كده حلال.. إحنا شعب متدين بالفطرة.. هو كده حلال.. بنتي عندها 14-15 سنة أخليها تواجه الكلام.. عاوز ترتاح منها ومن أكلها.. ده صعب أوى.. ده أنا مش أكل ولا أكل ولادى ولا اعمل فيهم كده.. وسن الزواج لازم يكون له مدة.. اوفر للشاب والفتاة مدي.. أنا مش بنضيق عليك.. إحنا شايفين وخايفين.. والشوف بيخليك تفهم.. اللى بيفهم أكثر بيتعذب أكثر واللى مش بيفهم مرتاح”.
