علقت الإعلامية مروة صبري على تصريحات المخرجة إيناس الدغيدي الخاصة بالمساكنة وأنها خاضت هذه التجربة قبل زواجها.
وهاجمت مروة صبري، المخرجة إيناس الدغيدى في برنامجها “قعدة ستات”: “طالعة بتقولي أنا عشت المساكنة قدام الناس كلها، إذا ابتليتم فاستتروا، ربنا سترني مطلعش أنا أفضح نفسي وأقول كده قدام الناس كلها”.
وأضافت مروة صبرى: صدمة كبيرة لكل الناس بعد ما سمعت التصريحات دي ويمكن الناس واخدة على أن المخرجة إيناس الدغيدي جريئة وصريحة وحرة في تفكيرها، لكن مش للدرجة دي في حاجات مينفعش، في حاجات ممكن أسيب مساحة لأني أكون معاكي أو ضدك.. وفي وقت وكلام وتصريحات وإجابات تودي في داهية”.
وأوضحت مروة صبرى : حضرتك مش محتاجة تريند خالص أنا عارفة أنك مبتحبيش تطلعي في البرامج وعارفه انك بترفضي فأنت مش التارجت بتاعك تقولي حاجة تعملي تريند زي معظم الفنانين والفنانات اللي بيحبوا يطلعوا يعملوا بلبلة حواليهم عشان الناس والمواقع تجيب سيرتهم أنت مش كده، وحتى لو كانت دي قناعاتك وشايفة أن دا تفكيرك اللي هو شاذ عن المجتمع والحياة لا يصح أنه يتقال مفيهوش اه أو لأ مرفوض جملة وتفصيلا،عشتي المساكنة إنتي حرة داري على نفسك.
