أكد مصدر مقرب من الفنانة ياسمين عبدالعزيز، أن حالتها الصحية مستقرة، وتتواجد حاليا فى العناية المركزة بأحد المستشفيات الكبرى، بعد أن خضعت لعملية جراحية استغرقت ساعات.
وأضاف المصدر أن ياسمين عبدالعزيز، قبل دخولها غرفة العمليات، شددت على المقربين منها عدم الإفصاح عن أى تفاصيل حول نوع العملية الجراحية فى الفترة الحالية، وبناء على رغبتها تكتم أفراد أسرتها وأصدقاؤها المقربون، على نوع العملية الجراحية، فيما اكتفى الفنان أحمد حلمى، أحد الأصدقاء المقربين لياسمين عبدالعزيز، بالقول عبر حسابه على «فيس بوك» بقوله «عملية صعبة».
كان أحمد العوضى، أعلن خلال الساعات القليلة الماضية، خضوع زوجته الفنانة ياسمين عبدالعزيز لعملية جراحية عبر حسابه بـ«فيس بوك» قائلا: «الرجاء الدعاء بظهر الغيب لزوجتى وحييبتى ياسمين.. هى فى العمليات ومحتاجة دعواتكم، اللهم إنك أنت الشافى المعافى بقدرتك على كل شيء، اللهم ارفع عنها البلاء والوباء واشفها وعافها».
وأضاف «العوضي»، فى منشور آخر: «يمكن ببان قدامكم دايما قوى.. لكن الحقيقة أنا دلوقتى أضعف إنسان على وجه الأرض عشان أنا روحى مش معايا.. أنا ضعيف جدا من غيرك.. إنتى لازم تبقى كويسة ولازم تقومى بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه.. بس إنتى هتقومى إن شاء الله بإذن الله عشان إنتى وعدانى وعد وهتتفذيه».
ووجه كلامه لزوجته قائلا: «أنا عاوزك تبقى كويسة وتقومى عشان أقولك إنى لو كنت ببينلك إنى بحبك مرة فالحقيقى واللى جوايا إنى بحبك ألف مرة.. وأنا دلوقتى مش قوى زى ما إنتى بتشوفينى أنا دلوقتى ضعيف ضعيف جدا.. لحد ما تقوميلى تانى عشان زى ما إنتى بتاخدى قوتك منى أنا كمان باخد قوتى منك.. قومى عشان أنا بحبك.. بحبك أكتر بكتيير من كل الكلام اللى أنا كتبته.. أكتر بكتير من كل اللى عدينا بيه مع بعض من أيام حلوة ومواقف صعبة مرت علينا.. أكتر بكتير حتى من الموقف اللى إحنا فيه دلوقتى.. أنا بحبك»
