توك شو

سهير جودة: نقطة ضعف الست ودنها بالرغم من وجود الحاسة سادسة

كتبت: عفاف محمد

قالت الإعلامية سهير جودة، إن المرأة سمعية، أي تحب أن تسمع الكلام الجميل، وأن الرجل قادر على امتلاكها بتلك الكلمات الجميلة، قائلة: “سبحان الذي ينعم بنفس ما يعذ به اللي هي الكلمة، لكن في نفس الوقت بيتقال ان الست عندها حاسة سادسة، طب ازاي بتنخدع وبتقع في الشخص الغلط وبتتخان، ازاي تبقى ودانها هي نقطة ضعفها وفي نفس الوقت عندها حاسة سادسة”.

وأضافت سهير في برنامجها الذي يحمل اسم الستات والمذاع عبر فضائية النهار، قائلة: “الحاسة السادسة معروف بيها الستات دايما، لكن الحقيقة ان الحاسة السادسة موجودة عند كل الناس مش الستات بس، لكن العلم بيقول ان الانسان عنده 5 حواس، ولما كلهم يشتغلوا في نفس الوقت وبنفس القوة بتطلع نتيجة أكثر، واللي بيفرق الست عن الرجل انها بتهتم بالتفاصيل، لكن الراجل مبيتشغلش على انه ينور الحاسة السادسة اللي عنده”.

وتابعت سهير: “الحاسة السادسة مهملة عند أغلب الرجالة، والست تسيئ استخدام هذه الحاسة، وبتفضل تدور دايما وتراقب وتفتش في التفاصيل الصغيرة ورا جوزها، فلو جاءت بنتيجة هتكون سلبية عليها، لكن لو استخدمت هذه الحاسة بصورة كويسة مع اولادها مثلا وحافظت عليهم وبعدت عن فكرة الهلاوس هنا ممكن تبقى الحاسة السادسة مفيدة في الحياة، وتبدأ أنها متحبش بودنها لأن هيبقى عندها اتزان تعرف من خلاله هل الكلام اللي سمعته صادق ومن القلب ولا بيتقالها كنوع من النصب العاطفي”.
سهير جودة: الرجل قادر على اخماد الحاسة السادسة للست بالتركيز في التفاصيل
سهير جودة: 62% من الازواج بيخافوا من الحاسة السادسة للست وهي دايما عايشة في شخصية ظابط البوليس

قالت سهير جودة: “الست لما ترتبط برجل وتقول أنها حاسه أنها هتغيره وأنه هيحبها أكتر من حبها له تكون بعيدة كل البعد عن الحاسة السادسة وتنتقل إلى الحاسة الكاذبة، والحاسة السادسة تكون صادقة، وفي دراسات قالت ان الست عندها القدرة على كشف كذب الرجل من خلال التواصل معه وجها لوجه عن طريق لغة الجسد، وتقرأ كل تفاصيله بنسبة من 60% إلى 80%، فرادار الست يلتقط كل المعلومات وبيحللها وبيفكها وبيدمجها وبيوصل للنتيجة”.
وأضافت سهير في برنامجها الذي يحمل اسم “الستات” والمذاع عبر فضائية النهار، قائلة: “الراجل لو عايز يتاكد من صدق ست او من تقييم ست لازم يخلي ست تانية هي اللي تعمل التقييم ده، لان الست مهتمة بالتفاصيل وحواسها شغالة، وحواسها تعمل بمهارة فائقة”، مشيرة: “في دارسة بتقول أن 62% من الازواج بيخافوا جدا من الحاسة السادسة عند الست، و19% مش مقتنعين بوجود الحاسة السادسة، و19% مضطرين لمسايرتهم لدى زوجاتهم، والراجل اللي بيخاف ده طيب، والله العظيم الرجالة في اوقات كتير اطيب من الستات”.
وأكدت سهير: “في حاجة عند الست اللي هو قلب الام وده لا يخطئ ابدا تجاه ولادها ، لكن المشكلة بقى ان العلم بيقول ان هوس الزوجة كأنثى اكبر من هوسها كأم وان 24% من الرجال بيعتبروا الولاد في الدرجة التانية بالنسبة للستات، والست بتحط هوسها بالخيانة والغدر من الزوج في المرتبة الاولى”.

وأشارت سهير:”الراجل لو مركز هيعرف يتعامل مع الست اللي عايشة دايما في سوء الظن وارادار ولابسة دايما شخصية ظابط البوليس ومفتش المباحث، لو هو بشوية تركيز ممكن يخلي الحاسة السادسة عند الست خلايا نائمة “.

https://fb.watch/gMKyyuuhor/
fb.watch

مقالات ذات صلة

زر الذهاب إلى الأعلى