شيرين ردآ علي شائعة طلاقها : “احنا عايشين في مجتمع بيحب الثرثرة”

و أضافت:” انا معرفش ليه فيه إشاعات بتطلع كده بس دي بتبقي دعاية ببلاش احنا عايشين في مجتمع بيحب الثرثرة شوية، انا مش بقول أن كل الناس كده لكن انا كنت فاكره أن الناس بعد الكورونا هتتغير للأحسن ، هيبقوا إيجابيين و عندهم رحمة و وعي لكن للأسف انا حاسة أن دي معلمتناش حاجه،برضو لسه عايشين علي الثرثرة”.

و تابعت:”انا بعيد عن السوشيال ميديا لكن الناس اللي مسكنلي السوشيال ميديا تقريباً هما قصدهم أنه ده يحصل كمان، أنت متعرفش بيبقي جايلك منين، فلما اكون انا تريند نمبر وأن و الخبر زعج ناس كتير أوي و الناس اللي مسؤوله عن السوشيال ميديا حتي متكلمنيش عشان أوضح،ففي تعتيم حتي من اقرب الناس”.

و اوضحت شيرين سبب تدخل حسام حبيب في حل مشكلتها مع التعاقدات القديمة و رفعه لقضايا علي من سرقوا منها مبالغ مالية،قالت شيرين:”مستشاري الفني السابق المفروض أنه هو في مبلغ كبير جدا كان بيتاخد بطريقة غير شرعية و غير رسمية منها ضرايبي مثلاً أن هو كان بياخد مني الضرائب علي انه هيدفعها و مكنش بيدفعها و ده عمل مشكلة و ده اللي الناس متعرفوش و اللي انا مقلتهوش، مش غيرة و الكلام الفاضي اللي اتكتب، ده جوزي دلوقتي و من حقه يشوف مين اللي واكل حقي و يجبلي حقي منه”.