«بطل من زمن الطيبين».. المهندس محمد طاهر في الذكري الـ 8 لوفاة والده: كان يزرع روح المحبة والتعاون بين الجميع

كتب- محمد السيد

«كان واحد من أبطال زمن الطيبين» جملة لخص بها المهندس محمد طاهر رئيس مجلس إدارة شركتي الأهرام والنيل للتطوير العقاري والده الراحل في الذكري الـ 8 للرحيله فلم ينسي الدعم والحب والسند.

وصف «طاهر» والده في بعض السطور التى لا تعبر عن 1% من مقداره ولكن تاريخ 6 سبتمبر 2015 لم ينساه عقب مرور 8 سنوات على الفراق فقد كتب: «زي النهاردة من ٨ سنين فقدت والدي .. كان واحد من أبطال “زمن الطيبين” اللى بيعتبروا رسالة الإنسان هي العمل وتحمل الأمانة والمسئولية بشرف وصدق.

واستكمل طاهر حديثة عن والده قائلا أن أهلنا في الريف كانوا بيوصفوه دايما بإنه “إيده خضرا” مفيش مشروع يدخله إلا ويكون فاتحة خير عليه وعلى كل اللي حواليه.

ويضيف المهندس محمد طاهر قائلا: عرفت منه السر لما كان يقولى دايمًا إن الموضوع مش حظ ولا صدفة فالإنسان مخلوق للعمل والكفاح .. والنجاح بيحتاج إنك تكون شاطر وأمين مع نفسك قبل أي حد .. واتعلمت منه حكمة إن الرضا بالقدر مش إنك ترضى تكون طير مكسور مستنى حد يعوله .. لكن منتهى الرضا إنك تلتزم بالسعى وتكون سند للناس حواليك..

ووصف «طاهر» احساس الفقد قائلا: ولما توفى إلى رحمة الله حسيت بمرارة الفقد .. وبمرور الأيام عرفت إن كل موقف شفته معاه كان له انعكاس فى حياتى .. وفهمت ليه كان حريص يزرع فيا أنا وإخواتى روح المحبة والتعاون ودايما يقول لكل واحد فينا : ” لو عايز تبقى قوى لازم تفضل أنت وإخواتك إيد واحدة وكل واحد فيكم يحب التاني أكتر من نفسه”..

قسوة الحياة بتزيد لما بتفقد أبوك أو أمك، ساعتها بتوحشك أغلى دعوة كنت بتسمعها بلا مقابل وبتديك منتهي القوة والأمان : “ربنا يباركلك ويرزقك ويحفظك”..

بعتبر كل نجاح أو إنجاز عملته فى حياتى بفضل الله هو امتداد لنصايح والدى وإهداء لروحه الطيبة .. ولسه فاكر نصيحته الأخيرة لما لخصلي الدنيا في آية واحدة : “دايما يا ابني خليك فاكر الآية دي، (إنا نحن نرث الأرض ومن عليها وإلينا يرجعون)، في النهاية كلها لله، كتير أو قليل، فاوعي تخرج منها بأي أذي أو شر لحد”..

اللهم اغفر له وارحمه واجعل مثواه الجنة مع الصديقين والشهداء..اللهم آمين.

مقالات ذات صلة

زر الذهاب إلى الأعلى