محمد الشرنوبي يعلق على حبس سارة الطباخ

كتبت:منى محسن

علق الفنان محمد الشرنوبي على حبس المنتجة سارة الطباخ عبر صفحته الشخصية بموقع إنستجرام حيث كتب”الحمد للّٰه الحق ظهر، تم صدور حكم فى الجنحة رقم 1626 لسنة 2020 جنح الشيخ زايد بحبس الممثلة القانونية لشركة إدارة أعمالي السابقة سنتين لتبديد المبالغ المالية التي في ذمتها بموجب التوكيل الرسمي و خيانة الأمانة”.

وأضاف الشرنوبي:”أظن الصورة وضحت، أنا كنت ساكت و مكانش نفسي الأمور توصل لكده و كنت مقرر إني مش هتكلم تاني في الإعلام بس لقيت إصرار من الطرف الآخر أنه يقحم الإعلام و يشوه صورتي قدام الناس؛ بس لو في حد واخد حق حد فالقانون والمحكمة قالت كلمتها، الشركة كان صادر ليها توكيل بموجب العقد اللي بيننا لإدارة أعمالي وبالتالي كانت بتتعاقد وتستلم كل مستحقاتي اللي هو الطبيعي إنها تستلم و تاخد نسبتها و تورد لي الباقي وده مكانش بيحصل.

واستكمل محمد: “الممثلة القانونية للشركة خانت الأمانة وبددت كل أموالي اللي في ذمتها وآخر صلح سلمت الشركة توكيل على أساس إننا هنفتح صفحة جديدة وتعهدت إنها هتسددلي كل فلوسي اللي في ذمتها و ده مثبت في محضر الصلح في غرفة صناعة السينما و بالفعل نفذت المسلسل وبرضه مخدتش فلوسي.

واختتم الشرنوبي: لكل شركات الإنتاج برجاء عدم التعامل مع أي جهة أو شخص غير من خلالي شخصياََ وعدم الالتفات لأي تحذير أو انذارات تصدر من الشركة لأن ببساطة الهدف الوحيد هو تعطيل شغلي و تشويه صورتي والحصول على مبالغ مادية بدون وجه حق”.

https://www.instagram.com/p/CKMjgAnl2f6/?igshid=1qspuaw82hd9m

يشار إلى أن آخر أعمال محمد الشرنوبي مسلسل لؤلؤ بطولة مى عمر، أحمد زاهر، إدوارد، نجلاء بدر، نرمين الفقى، هيدي كرم، سلوى عثمان، عماد زيادة، حمدي هيكل، هدير عبد الناصر، محمد مهران، جوري بكر، قصة مي عمر وسيناريو وحوار محمد مهران وإخراج محمد عبد السلام، وإشراف على التأليف والإخراج محمد سامي.